Mange vart drepne i
aviser
klegg – fluger og kveps vart drepne
med
aviser – samanrulla og med heimleg
harme og husbråk i slaga
alderen verkar på mange vis
jakt på flygane mål krev god
balanse
hørsel og syn er vel svekka
men i det siste har eg lagt merke
til
at eg ber dei ut i det fri
kanskje kviskrar eg:
sjå her skal de vera
så – så
finn no litt honning eller anna
godsaker
flyg heim til god-stolen
og samle ungane kring
dykk
fortel om veggen
som såg ut som luft
men som var hard som is
dans det så alle kan forstå
artsfrendar
skal summe om dykk
som om de vore
Djengis Khan
i slektsledd
og i respektfull undring
Ingen kommentarer :
Legg inn en kommentar