Hverdager

Varme

Dei små, små kvardagane.

Regn over svaet,
nytrukken kaffe.

For trøtt til

lengt.

Mest haustdagar
over herdene.

Kvardagen sit der
ein morgon
og sukkar.

Klør på en rur.

Dansen er over no,
ladene tomme.

Klok av skade
drikk eg all varmen
eg kan få
ut av koppen.

                            *

  Den gode dagen

   Den gode dagen

        spring mot meg,

        med lette lokkar

        i vegkanten,

        og skitne never

        med engsolei.

        Den gode dagen

        klukkar lett

        gjennom ekrene,

        og er ei jente

        å lyfte opp

        mot sola.

        Den gode dagen

        spring berrføtt,

        og med skrubbsår

        strør solfrø

        og teiknar

        Paradis.

                                      *